Nesër në Kosovë pritet të mbajë mot i nxehtë dhe me zagushi. Parashihen periudha me diell, por pasdite zhvillime të fuqishme konvektive. Këto zhvillime do të kushtëzojnë stuhi të izoluara shiu me vetëtima, bubullimë dhe mundësi për breshër. Reshjet do të jenë të karakterit lokal, por në ato zona ku zhvillohen mund të jenë të fuqishme. Në disa zona edhe nesër nuk priten reshje.
Temperaturat pritet të luhaten nga 14 deri në 31 gradë Celsius.
Në Shqipëri nesër pritet të mbajë mot kryesisht me diell dhe i nxehtë veror. Pasdite priten zhvillime konvektive në viset lindore veriore e juglindore të vendit. Lokalisht edhe në viset qendrore priten stuhi të izoluara.
Edhe në Maqedoninë Veriore, Luginë të Preshevës dhe veri të Malit të Zi nesër nxehtë, por pasdite priten stuhi të izoluara me mundësi për breshër.
E enjtja (pasdite mbrëmje) ka potenciel të jetë një ditë e stuhishme sidomos në Kosovë por edhe më gjerë veçanërisht orëve të pasdites dhe mbrëmjes presim një destabilizim mjaft intensiv të atmosferës me vranësira të dendura, vetëtima e bubullima masive dhe rrebeshe intensive shiu me vetëtima dhe bubullimë. Vende=vende mund të ketë shtrëngata të forta me breshër. Gjatë natës edhe fronti i ftohtë me rrebeshe intensive dhe ulje të temperaturave. Në Kosovë mund të ketë edhe vërshime lokale.
Nga e Premtja më freskët me mundësi reale për stabilizim gradual të motit. Mbrëmjen e vonshme të së enjtes dhe mëngjesin e së premtes destabilizim i motit pritet edhe në viset bregdetare të Shqipërisë./MeteoBallkan
