Nesër në Kosovë pritet të mbajë mot i vranët dhe herë pas here me riga shiu. Gjatë natës pritet intensifikim i reshjeve të shiut, por nuk priten reshje shumë të mëdha. Temperaturat pritet të luhaten nga 6 deri në 13 gradë Celsius.
Në Shqipëri nesër pritet të mbajë mot i vranët dhe me riga të herë pashershme shiu. Në jug të vendit me rrebeshe lokale me vetëtima dhe bubullimë. Gjatë natës pritet intensifikim i reshjeve të shiut dhe priten rrebeshe lokalisht të fuqishme shiu me vetëtima dhe bubullimë, përgjatë vijes bregdetare, por lokalisht edhe në vise tjera.
Mot i ngjashëm nesër pritet edhe në Maqedoninë Veriore, Luginën e Preshevës dhe Mal të Zi.
Moti ngjashëm pritet edhe të hënën. ku herë pas here pere priten reshje shiu dhe rrebeshe lokale shiu me vetëtima dhe bubullimë. Vende-vende priten reshje intensive. Në viset malore reshje bore.
Të martën ulje e mëtutjeshme e temperaturave, por edhe ulje e intensitetit të reshjeve. Në viset kodrinore-malore priten fjolla dëbore.
Gjatës mesit të javës pritet ciklon i ri me reshje të reja shiu e bore në viset kodrinore-malore./Meteoballkan
