Nesër në Kosovë do të mbajë mot me diell dhe vranësira të herëpashershme. Do të jetë mjaft nxehtë dhe me erëra mesatare deri të fuqishme nga jugu dhe jugperëndimi. Temperaturat maksimale do ti afrohen dhe ndoshta edhe do të arrijnë shifren 30 gradë Celsius në ndonjë rajon.
Në Shqipëri, Maqedoninë Veriore dhe Mal të Zi nesër do të mbajë mot kryesisht me diell dhe vranësira të pakta pasdite. Do të jetë mjaft nxehtë me temperatura të cilat do ti afrohen shifrës 30 gradë Celsius.
Pasnesër në tërë rajonin na pret mot pak më i freskët, por prapëseprapë do të mbetet mjaft nxehtë. Pasdite ose vonë në mbrëmje vetëm në disa rajone të pakta mund të ketë ndonjë rigë apo rrebesh të izoluar shiu.
Nga e mërkura do të kemi fuqizim të masave të nxehta ajrore me origjinë nga Afrika Veriore. Na pret mot mjaft i nxehtë, me alternime vranësirash dhe intervaleve të gjata kohore me diell. Temperaturat maksimale do të shënojnë ngritje të theksuar dhe pritet të arrijnë dhe tejkalojnë shifrën 30 gradë Celsius.
