Nesër në Kosovë do të mbajë mot me diell gjatë ditës, në mëngjes mjaft ftohtë dhe mund të ketë edhe mjegull vende vende. Temperaturat gjatë ditës nuk do të pësojnë kurfarë ndryshimi.
Edhe në Shqipëri dhe Maqedoni nesër mot i ngjashëm sikurse sot. Në mëngjes të ftohtë dhe vende vende me mjegull kurse gjatë ditës kryesisht kthjellët dhe me shumë rreze dielli.
Edhe ditëve të ardhshme nuk pritet ndonjë ndryshim i motit. Tre ose katër ditët e ardhshme do të vazhdojë të depërtojë ajri relativisht i nxehtë nga Afrika Veriore kurse nga dita e Premte kemi gjasa që të kemi fillimin e depërtimit të ajrit të ftohtë në kuadër të periferisë anticiklonike nga lindja e Evropës. Pra nga fundjava e ardhshme sigurisht se do të kemi depërtimin e ajrit të ftohtë por jo ekstremisht të ftohtë nga Siberia dhe ka gjasa që pas disa ditësh më tutje do të kemi edhe reshjet e para të dëborës në rajonin tonëm megjithatë përkundër indikacioneve të qarta të modeleve për këtë skenar ne nuk po ngutemi por po presim edhe pak derisa të qartësohet situata dhe do tju njoftojmë me kohë. Shfrytëzoni edhe këto tre ose katër ditë sepse pastaj do të kemi ulje të temperaturave kurse sa iu përket reshjeve atmosferike ende nuk mund të themi asgjë./Meteoballkan
