Nesër në Kosovë do të jetë pak më ngrohtë. Parashihen intervale kohore me diell dhe vranësira të shpeshta me ndonjë rigë ose rrebesh lokal shiu. Pasdite do të ketë zhvillime të fuqishme të vranësirave konvektive që lokalisht do të kushtëzojnë rrebeshe shiu me vetëtima, bubullimë dhe mundësi për breshër. Temperatura maksimale pritet të arrijë deri në 19 gradë Celsius.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot me vranësira, intervale kohore me diell dhe riga e rrebeshe të lokalizuara shiu. Do të jetë më ngrohtë dhe me intervale të gjata kohore me diell sidomos në perëndim të Shqipërisë. Më së shumti reshje nesër priten në veri të Shqipërisë dhe Kosovë e më së paku në jug të Shqipërisë dhe në shumicën dërmuese të Maqedonisë së Veriut.
Për fundjavë na pret mot i ndryshueshëm. Të shtunën më ngrohtë, me intervale kohore me diell dhe vranësira. Pasdite rrebeshe të izoluara shiu, ndërsa të dielën më shumë vranësira e reshje shiu./METEOBALLKAN
