Nesër në Kosovë pritet të mbajë mot me intervale të gjata kohore me diell dhe vranësira të herëpashershme, por pa reshje armosferike. Temperaturat maksimale pritet të luhaten nga 24° deri në 27°C
Në Shqipëri, Maqedoninë Veriore, Mal të Zi dhe Kosoven Lindore nesër pritet të mbajë mot me diell dhe vranësira lokale. Temperaturat shënojnë rritje kryesisht të lehta.
Pasnesër (e enjte) në tërë rajonin na pret mot kryesisht stabil dhe më i nxehtë. Temperaturat pritet të fillojnë të rriten ndjeshëm. Përpos rrezeve diellore priten vranësira të pakta lokale.
Të premtën dhe të shtunën na pret mot mjaft i nxehtë, me temperatura deri në 34° 35° edhe në Kosovë, ndërsa të dielen pritet një front i dobët, i ftohtë ajror që pritet të kushtëzojë ulje kryesisht të lehta të temperaturave në Kosovë dhe mundësi për rrebeshe të izoluara shiu me vetëtima dhe bubullimë. Në viset tjera fronti do të ndjehet fare pak./MeteoBallkan
