Nesër në Kosovë do të mbajë mot kryesisht me diell por edhe me vranësira kalimtare të cilat do të zhvillohen gjatë ditës vende vende por të cilat nuk do të sjellin reshje.
Në Shqipëri nesër mot me diell pothuajse në tërë vendin ndërsa në bregdet kohë ideale për pushime përpos erës e cila nganjëherë mund të paraqet problem gjatë ditës.
Edhe në Maqedoni nesër mot kryesisht i kthjellët, me diell dhe me ndonjë vranësirë kalimtare.
Pasnesër (Të Premten) si në Kosovë poashtu edhe në Shqipëri dhe Maqedoni do të mbajë mot kryesisht me diell dhe me vranësira kalimtare por pa reshje. do të jetë relativisht nxehtë.
Të Shtunën paradite mot me diell dhe me vranësira por i nxehtë në tërë rajonin kurse pasdite në disa rajone të Kosovës, në Shqipërinë veriore dhe verilindore si dhe në Maqedoninë veriore priten zhvillim vranësirash dhe rrebeshe lokale shiu të shoqëruara me vetëtima dhe bubullimë. Kjo vjen si pasojë e një fronti të dobët të ftohtë ajror i cili do të ”infiltrohet” brenda rajonit tonë.
Të dielën përsëri do të kemi fuqizim të masave ajrore anticiklonike dhe do të kemi kthjellim dhe stabilizim të motit.
Në fund vlen të theksohet se është pak i çuditshëm simulimi i modelit GFS i cili për ditën e Hënë jep rrebeshe lokale shiu sidomos në Kosovë dhe Shqipërinë lindore, kurse modeli ECMWF nuk jep asnjë pikë shiu dhe ne mendojmë se ky i fundit ka të drejtë sepse gjithmonë ka qenë më i saktë.
Sidoqoftë ne do të përcjellim situatën dhe do tju njoftojmë me kohë për ecuritë më të reja sinoptike edhe nesër dhe ditëve të ardhshme.
Meteoballkan.
