Nesër në Kosovë na pret mot me diell dhe vranësira lokale. Mëngjesi do të jetë i freskët, kurse dita kryesisht stabile. Pasdite vonë në veri e veriperëndim pritet të ketë më shumë vranësira, por pa reshje ose mund të ndodhë ndonjë rigë e dobët.
Temperaturat parashihet të luhaten nga 8 minimalja deri në 26 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot stabil dhe kryesisht me diell. Në rajonet mesdhetare do të jetë mjaft nxehtë. Nuk do të mungojnë vranësirat e shtresave më të larta atmosferike në shumë rajone, por pa reshje.
Vranësira më të dendura në Kosovë pritet të martën kur edhe do të zhvillohen reshje shiu e rrebeshe lokale shiu me vetëtima dhe bubullimë. Temperaturat do të shënojnë ulje sidomos në kohën e reshjeve, por prapë nuk priten reshje në të gjitha viset.
Të martën edhe në pjesë të Shqipërisë e Maqedonisë së Veriut priten zhvillime të rrebesheve lokale të shiut me vetëtima dhe bubullimë. Fillimisht rrebeshet do të zhvillohen në pjesë të Republikës së Kosovës, pastaj edhe në lindje të Shqipërisë e perëndim të Maqedonisë së Veriut.
Të mërkurën atmosfera do të stabilizohet menjëherë dhe pritet një ditë me diell e vranësira ditore, por kryesiht pa reshje atmosferike. Temperaturat do të shënojnë rritje, megjithatë në pjesë të Shqipërisë dhe Maqedonisë së Veriut mund të ketë ndonjë rigë ose rrebesh të izoluar shiu./MeteoBallkan
