Nesër në Kosovë pritet të mbajë mot me vranësira dhe riga lokale shiu. Mund të ketë edhe ndonjë rrebesh lokal shiu, por priten edhe intervale kohore me diell. Më shumë rreze diellore priten orëve të pasdites dhe afër mbrëmjes. Temperatura maksimale parashihet të arrijë deri në 21 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi të martën pritet të mbajë mot me vranësira të shpeshta sidomos paradite dhe riga apo rrebeshe të lokalizuara shiu. Pasdite më shumë kthjellime, por edhe mundësi për reshje të izoluara shiu me ndonjë vetëtimë dhe bubullimë.
Mot edhe më i ngrohtë pritet të Mërkurën me temperatura maksimale mbi 20 gradë Celsius në gati tërë Kosovën. Edhe më ngrohtë në Shqipëri dhe Maqedoninë Veriore. Në disa zona mund të ketë zhvillime konvektive që do të kushtëzojnë ndonjë rrebesh të izoluar shiu me vetëtima dhe bubullimë.
Të Enjten mjaft ngrohtë. Pasdite vonë destabilizim i fuqishëm i motit me mundësi për zhvillime të fuqishme të rrebesheve të shiut me vetëtima dhe bubullimë. Vende-vende mund të ketë rrebeshe mjaft intensive./MeteoBallkan
