Nesër në Kosovë pritet të mbajë mot me diell dhe vranësira lokale. Pasdite vetëm në disa zona kryesisht në jug dhe perëndim të vendit priten rrebeshe të izoluara, afatshkurtra shiu me vetëtima dhe bubullimë. Temperaturat maksimale pritet të lëvizin nga 24 deri në 26 gradë Celsius.
Në Shqipëri, Maqedoninë Veriore dhe Mal të Zi nesër pritet të mbajë mot me diell dhe vranësira lokale. Pasdite priten zhvillime të fuqishme, por të izoluara të shtrëngatave të izoluara të shiut me vetëtima, bubullimë dhe mundësi për breshër. Në Kosovën Lindore nesër pritet të mbajë mot me diell dhe vranësira dhe kryesisht pa reshje.
Të hënën në tërë rajonin pritet të kemi mot kryesisht me diell, por edhe me zhvillime të vranësirave në zona të izoluara kryesisht në disa vise të Shqipërisë ku mund të ketë rrebeshe afatshkurtra, të izoluara shiu me vetëtima dhe bubullimë.
Të martën na pret mot me diell dhe i nxehtë paradite, ndërsa nga pasditja dhe mbrëmja në Kosovë priten rrebeshe lokalisht të fuqishme shiu me vetëtima dhe bubullimë. Rrebeshe pasditen e së martës priten edhe në disa vise në Maqedoninë Veriore dhe rrallëkund në Shqipëri. Të mërkurën më freskët me intervale kohore me diell dhe vranësira lokale të cilat pritet të kushtëzojnë riga të izoluara shiu./MeteoBallkan