Anticikloni i fuqishëm me origjinë nga Mesdheu perëndimor, Afrika veriore dhe Evropa jugperëndimore do të shtrihet edhe mbi viset tona nga sonte duke stabilizuar plotësisht atmosferën dhe duke kushtëzuar mot me diell gjatë disa ditëve të ardhshme.
Orëve të hershme të mëngjesit në disa vise në Kosovë pritet fjolla afatshkurtra bore. Gjatë ditës së Hënë na pret mot me intervale kohore me diell dhe vranësira të herëpashershme. Tempetaturat pritet të lëvizin nga -2 deri në 7 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi të Hënën parashihet të mbajë mot kryesisht me diell dhe me pak vranësira lokale. Mëngjesi do të jetë i ftohtë, vende-vende me acar sidomos në viset kodrinore-malore, por jo ndonjë acar i fortë. Dita me stabilizim të plotë të atmosferës dhe me shumë rreze diellore.
Ditëve të ardhshme stabilizim i plotë i atmosferës. Mëngjeset e ftohta, me ngrica kryesisht të dobëta dhe mundësi për mjegull. Ditët kryesisht me diell dhe relativisht të ngrohta. Ka mundësi që në disa zona të ketë mjegull e cila mund të qëndrojë edhe gjatë paradites. Në ato zona ku ka mjegull normalisht do të jetë më ftohtë./MeteoBallkan
