Nesër në Kosovë do të mbajë mot me diell dhe mjaft i ngrohtë, me temperatura maksimale deri në 30 gradë Celsius në nivel vendi. Pasdite pritet të ketë zhvillime të vranësirave konvektive të cilat do të kushtëzojnë rrebeshe lokale shiu me vetëtima dhe bubullimë. Vende-vende priten rrebeshe intensive shiu dhe breshër, por reshjet nuk do të përfshijnë tërë territorin.
Në Shqipëri dhe rajon nesër pritet të mbajë mot me diell dhe i nxehtë. Pasdite në priten zhvillime lokale të vranësirave konvektive që pritet të kushtëzojnë rrebeshe lokale shiu me vetëtima dhe bubullimë. Rrebeshe priten në verilindje, lindje dhe juglindje të Shqipërisë, në veri të Malit të Zi dhe disa vise të Maqedonisë së Veriut.
Të mërkurën na pret mot më i freskët, me vranësira të shpeshta dhe reshje lokale shiu si dhe rrebeshe lokale me vetëtima dhe bubullimë. Temperaturat pritet të shënojnë ulje të ndjeshme.
Nga e enjta stabilizim i motit dhe rritje graduale e temperaturave./MeteoBallkan