Nesër në Kosovë pritet të mbajë mot mjaft i ndryshueshëm dhe jo-stabil. Paradite mund të ketë intervale kohore me diell dhe zagushi, ndërsa pasdite priten zhvillime të fuqishme të vranësirave të shiut të cilat pritet të kushtëzojnë rrebeshe lokalisht të fuqishme shiu me vetëtima dhe bubullimë. Vende-vende priten rrebeshe mjaft intensive të cilat mund të shkaktojnë probleme sidomos pasdite vonë dhe në mbrëmje.
Në Shqipëri nesër pritet mot me intervale kohore me diell dhe vranësira. Në disa vise kontinentale priten rrebeshe të izoluara shiu me vetëtima dhe bubullimë.
Rrebeshe të fuqishme pasdite nesër priten edhe në shumë vise të Maqedonisë së Veriut, Kosovës lindore dhe veriut të Malit të Zi.
Të dielen vazhdon mot mjaft jo-stabil në tërë rajonin.
Përpos intervaleve kohore me diell priten vranësira të dendura të cilat pritet të kushtëzojnë rrebeshe lokalisht të fuqishme shiu me vetëtima dhe bubullimë. Rrebeshe lokale priten edhe në bregdetin shqiptar por nuk do zgjasin shumë. Vende – vende priten vërshime të shpejta sidomos në Kosovë.
Edhe fillimi i javës së re na sjellë mot të paqëndrueshëm dhe relativisht të freskët. Përpos intervaleve kohore me diell priten edhe vranësira dhe rrebeshe të herëpashershme shiu me vetëtima dhe bubullimë./Meteoballkan
