Nesër në Kosovë pritet të mbajë mot i kthjellët dhe me diell. Mëngjesi do të jetë i ftohtë dhe me ngrica, kurse dita e ngrohtë për këtë periudhë kohore me rritje rapide të temperaturave. Temperatura minimale pritet të zbresë deri në -3 gradë Celsius, ndërsa dita shënon rritje nga 9 deri në 13 gradë Celsius. Mjegulla do të jetë prezente në mëngjes e cila në disa lugina dhe ultësira mund të prolongohet edhe gjatë paradites.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot kryesisht me diell dhe stabil. Mëngjesi i ftohtë, vende-vende me ngrica dhe mjegull. Dita stabile dhe me diell.
Ditëve të ardhshme na pret mot stabil dhe me diell, por mëngjeset do të jenë të ftohta, me mundësi për ngrica dhe mjegull. Temperaturat shënojnë rritje si në vlerat minimale po ashtu edhe në ato maksimale. Të Premten përkeqësim i motit. Fillimisht reshje shiu, pastaj lokalisht edhe reshje shqote e bore./MeteoBallkan
