Dita e Pavarësisë së Republikës së Kosovës do të karakterizohet me mot të vërtetë pranveror. Temperaturat do të shënojnë ngritje të mëtutjeshme si pasojë e depërtimit të ajrit të ngrohtë nga Mesdheu ku ajo maksimalja mund të arrijë deri në 17 gradë Celsius në nivel vendi.
Edhe në Shqipëri dhe rajon nesër do të mbajë mot kryesisht me diell dhe vranësira të pakta. Do të jetë mjaft ngrohtë për këtë periudhë kohore.
Mot i ngjashëm do të mbajë deri të mërkurën vonë kur pritet të kemi shtim të vranësirave dhe gjatë natës edhe reshje lokale atmosferike.
Të enjten do të kemi reshje shiu dhe bore në viset kodrinore-malore. Reshje dekorative bore të enjten do të ketë edhe nëpër shumë pjesë të Republikës së Kosovës duke përfshirë edhe disa ultësira./Meteoballkan
