Sonte gjatë natës do të fillojnë reshjet e shiut në disa rajone të Shqipërisë, kryesisht afër bregdetit si pasojë e afrimit të vorbullës së dobët ciklonike. Megjithatë kjo vorbullë ciklonike do të jetë e pasur me lagështi dhe në disa rajone të Shqipërisë sonte dhe nesër priten edhe reshje herë pas here të dendura shiu.
Në Kosovë reshjet do të fillojnë nesër vonë në mbrëmje apo afër mesnatës dhe do të jenë kryesisht në formë dëbore dhe mjaft estetike. Nuk priten reshje të mëdha atmosferike përpos disa rajoneve të Shqipërisë. Reshje shiu dhe bore të intensitet të dobët nesër gjatë natës mund të përfshijnë edhe Maqedoninë, ndërsa reshje më të fuqishme priten në Mal të Zi. Në Bregdetin e Malit të Zi priten reshje të dendura shiu, kurse në pjesët veriore priten reshje të dendura bore.
Edhe gjatë fudjavës do të vazhdojë të mbajë mot i ndryshueshëm, me reshje të herëpashershme shiu dhe bore në viset kodrinore-malore, por do të ketë edhe periudha kohore pa reshje atmosferike. Temperaturat nuk do të lëvizin shumë dhe do të jetë relativisht nxehtë në rajonin tonë si pasojë e masave ajrore pak më të nxehta nga Mesdheu.
Java e ardhshme do të jetë jashtëzakonisht dinamike me reshje të shpeshta shiu dhe bore varësisht nga lartësia mbidetare dhe pozita gjeografike. Detaje tjera rreth javës së ardhshme do të kemi në postimet tona të ardhshme, sepse do të kemi depërtime të shpeshta të masave ajrore të lagështa dhe mjaft jostabile nga Mesdheu të cilat do të na sjellin reshje atmosferike dhe varësisht nga temperaturat, pozicioni dhe fuqia e cikloneve reshjet do të jenë në formë shiu apo bore. Për këtë do të jemi “më të mençur” ditëve të ardhshme.Meteoballkan
