Jo-stabilitetet lokale pritet të vazhdojnë gjatë natës në Kosovë, por vetëm në zona të izoluara duke sjellur riga shiu dhe ndonjë rrebesh shiu me vetëtima dhe bubullimë.
Nesër në Kosovë do të mbajë mot me vranësira, reshje shiu dhe rrebeshe lokale me vetëtima dhe bubullimë paradite, ndërsa pasdite pritet kthjellim i plotë i motit, por mbetet freskët dhe me erëra nga veriu.
Rrebeshe shiu nesër priten edhe në Shqipëri dhe Maqedoninë e Veriut kryesisht paradite dhe në mesditë, ndërsa pasdite kthjellim gradual i motit në tërë rajonin. Temperaturat do të shënojnë ulje të ndjeshme.
Nga e enjta na pret mot kryesisht me diell dhe me rritje graduale të temperaturave. Të shtunën vapë verore, ndërsa të dielën mundësi për rrebeshe lokale shiu me vetëtima dhe bubullimë./MeteoBallkan