Nesër në Kosovë do të mbajë mot me vranësira por edhe me mundësi për intervale kohore me diell. Mund të ketë edhe reshje të dobëta lokale bore, respektivisht shiu në ultësira.
Edhe në Shqipëri nesër mot i ndryshueshëm dhe vende-vende me reshje shiu, kurse në lindje dhe juglindje mund të ketë edhe reshje lokale bore.
Në Maqedoni dhe Mal të Zi nesër mot i ndryshueshëm dhe me reshje të dobëta bore në Maedoninë perëndimore dhe veriperëndimore kurse në Mal të Zi priten reshje lokale shiu.
Edhe ditëve të ardhshme në tërë rajonin tonë nuk pritet ndryshim i madh i motit, pra priten vranësira, intervale kohore me diell dhe në Shqipëri vende -vende reshje lokale shiu. Reshje pak më intensive mund të ketë të hënën, kryesisht në formë shiu nëpër ultësira dhe në formë dëbore në viset kodrinore-malore.
Reshje të dendura shiu dhe bore do të përfshijnë rajonin tonë ditën e martë; nëpër ultësira do të ketë kryesisht reshje shiu, kurse në viset kodrinore-malore priten reshje të dendura bore. Në Kosovë reshjet e borës të martën mund të paraqiten edhe nëpër qytete.
Pasi që kemi hyrë nën ndikimin e masave ajrore mjaft jo stabile ciklonike që vijnë nga Mesdheu, ndryshime të vogla mund të ndodhin nga dita në ditë dhe njoftimi më i ri gjithnjë do të jetë më i sakti dhe do ta zhvlerësojë njoftimin e vjetër dhe ne do të jemi aktiv për tju informuar për situatën më të re sinoptike në rajonin tonë ditëve të ardhshme.
