Nesër në Kosovë do të mbajë mot me intervale kohore me diell dhe mjaft i nxehtë. Pasdite do të fillojnë zhvillimet e vranësirave vertikale të cilat do të sjellin rrebeshe lokalisht të fuqishme shiu me vetëtima dhe bubullimë. Reshjet do të jenë të karakterit lokal dhe në shumë rajone priten rrebeshe të furishme afatshkurtra, por rajone tjera mund të mbesin me riga simbolike ose fare pa reshje. Rrebeshet nuk pritet të zgjasin shumë dhe do të rikthehen përsëri në orët e vona të mbrëmjes ose natës.
Në Shqipëri dhe Maqedoninë Veriore neser do të mbajë mot mjaft i nxehtë, me intervale kohore me diell dhe vranësira, kurse rrebeshe priten vetëm në veri dhe lindje të Shqipërisë dhe disa pjesë malore të Maqedonisë së Veriut. Rrebeshe të fuqishme shiu me vetëtima dhe bubullimë nesër pasdite priten në Mal të Zi.
Të mërkurën në tërë rajonin na pret mot me intervale kohore me diell dhe vranësira. Vende-vende dhe herë pas here do të ketë rrebeshe lokale shiu me vetëtima dhe bubullimë. Reshjet më të pakta priten në disa rajone në Shqipëri.
Të enjten priten ulje të temperaturave dhe reshje lokale shiu herë pas here. Vende-vende do të ketë edhe rrebeshe shiu me vetëtima dhe bubullimë sidomos në Shqipëri.
Nga e premta na pret mot i thatë por i freskët, me alternime vransirash dhe intervaleve kohore me diel./Meteoballkan
