Nesër në Kosovë do të mbajë mot mjaft jostabil, me intervale kohore me diell, kurse gjatë ditës priten zhvillime të vranësirave të cilat do të kushtëzojnë rrebeshe të fuqishme lokale shiu me vetëtima, bubullimë dhe mundësi edhe për breshër. Reshjet mund të vazhdojnë edhe gjatë mbrëmjes dhe natës në disa rajone dhe normalisht reshjet do të jenë të karakterit lokal.
Në Shqipëri nesër mot më i nxehtë dhe me diell, mirëpo në veri dhe verilindje të vendit priten rrebeshe lokale shiu me vetëtima dhe bubullimë. kurse në viset tjera mund të ketë rrebeshe të ralla dhe të izoluara shiu me vetëtima dhe bubullimë.
Në Maqedoninë e Veriut dhe Mal të Zi nesër mot mjaft jostabil, me zhvillime të vranësirave të cilat pasdite do të kushtëzojnë rrebeshe lokale shiu me vetëtima, bubullimë dhe mundësi edhe për breshër.
Edhe të enjtën pritet të kemi mot kryesisht jostabil, me rrebeshe lokale shiu me vetëtima dhe bubullimë pasdite dhe në mbrëmje. Më thatë dhe reshje më të ralla priten në Shqipëri.
Mot i ngjashëm pritet edhe të premtën, kurse në fundjavë ka mundësi për stabilizim afatshkurtër të motit dhe ngritje të temperaturave./Meteoballkan
