Nesër në Kosovë na pret mot kryesisht me diell dhe i ngrohtë. Mëngjesi do të jetë mjaft i freskët dhe në disa lugina pritet të ketë mjegull. Gjatë ditës me rreze të shumta diellore dhe rritje të temperaturave dhe ajo maksimale do të arrijë deri në 27 gradë Celsius.
Në Shqipëri, Maqedoninë Veriore, Kosovën lindore dhe Mal të Zi nesër pritet të mbajë mot kryesisht me diell, stabil dhe i ngrohtë. Vranësirat do të jenë të pakta dhe lokale. Temperaturat shënojnë rritje veçanërisht në zonat mesdhetare dhe bregdetare dhe ajo maksimale pritet të arrijë deri në 30 ose 31 gradë Celsius.
Ditëve të ardhshme edhe më ngrohtë dhe kryesisht me diell, por edhe me zhvillime të disa vranësirave të pasditeve. Pasdite në disa vise kryesisht kodrinore-malore mund të ketë rrebeshe të izoluara me ndonjë vetëtimë dhe bubullimë. Më shumë gjasa për rrebeshe të izoluara (vetëm në disa rajone kryesisht kodrinore-malore) sipas modeleve ka të mërkurën dhe të premten pasdite. Temperaturat do të shënojnë rritje të përditshme duke arritur deri në 30 ose 32 të premten edhe në Kosovë./METEOBALLKAN
