Nesër në Kosovë pritet të mbajë mot mjaft i nxehtë veror. Parashihet të kemi mot kryesisht me diell dhe vranësira ditore të cilat pasdite mund të zhvillohem dhe të kushtëzojnë ndonjë rrebesh të izoluar shiu me ndonjë vetëtimë dhe bubullimë.
Edhe nëse ka zhvillime konvektive ato pritet të jenë të pakta dhe të izoluara kryesisht në disa vise kodrinore-malore.
Temperaturat pritet të lëvizin nga 17 minimalja deri në 37°C. ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot kryesisht me diell dhe shumë i nxehtë veror.
Rekomandohet kujdes në orët e mesditës.
Pasdite rrallë në disa zona mund të ketë ndonjë zhvillim të ndonjë rrebeshi të izoluar shiu me ndonjë vetëtimë dhe bubullimë.
Nga e hëna na pret mot gjithnjë e më jo-stabil. Edhe e hëna do të jetë mjaft e nxehtë por pasdite priten rrebeshe lokale shiu me vetëtima dhe bubullimë. Vende-vende prapë priten rrebeshe më intensive dhe freskim.
Nga e marta temperaturat do të pësojnë ulje graduale dhe po ashtu priten edhe reshje më të shpeshta atmosferike.
Nga mesi i javës së re ka gjasa që të kemi depërtimin e një mase shumë freskët ajrore nga veriu që do të kushtëzojë ulje të ndjeshme të temperaturave dhe reshje të reja, lokale shiu./MeteoBallkan
.
