Nesër në Kosovë pritet të kemi mot më të ngrohtë, me intervale kohore me diell dhe vranësira lokale. Pasdite do të ketë zhvillime të vranësirave konvektive ku nuk përjashtohet mundësia për rrebeshe të izoluara shiu me ndonjë vetëtimë dhe bubullimë. Temperaturat maksimale pritet të luhaten nga 22 deri në 25 gradë Celsius.
Në Shqipëri, Maqedoninë Veriore, Luginën e Preshevës dhe Mal të Zi nesër pritet të mbajë mot me intervale kohore me diell dhe vranësira lokale. Pasdite nuk përjashtohet mundësia për rrebeshe të izoluara shiu me vetëtima dhe bubullimë. Temperaturat do të shënojnë rritje.
Të dielën pak më freskët. Priten intervale kohore me diell dhe vranësira lokale. Pasdite do të ketë zhvillime konvektive që si pasojë do të ketë rrebeshe lokale shiu me vetëtima dhe bubullimë sidomos në Shqipërinë kontinentale dhe Maqedoninë e Veriut. Më pak rrebeshe priten në viset bregdetare dhe në Kosovë ku rrebeshet do të jenë më të izoluara.
Mot i ngjashëm do të vazhdojë edhe në fillim të javës së re. Priten intervale kohore me diell dhe vranësira lokale. Pasditeve do të ketë zhvillime të vranësirave konvektive që do të kushtëzojnë rrebeshe lokale shiu me vetëtima dhe bubullimë. Nga e marta rrebeshe më të përhapura priten edhe në Kosovë./METEOBALLKAN
