Nesër në Kosovë pritet të mbajë mot kryesisht me diell, por pak më i ftohtë për shkak të frontit të ftohtë ajror i cili pritet të arrijë gjatë nates. Më shumë vranësira parashihen në mëngjes dhe paradite. Temperatura maksimale pritet të arrijë deri në 16 gradë Celsius. Fronti do të kushtëzojë vranësira dhe ndonjë rigë shiu gjatë natës, ndërsa nesër priten intervale të gjata kohore me diell dhe vranësira të pakta lokale.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot kryesisht me diell, por vende-vende priten vranësira sidomos paradite. Temperaturat shënojnë ulje në viset kontinentale.
Të premtën mëngjesi do të jetë shumë i ftohtë dhe me ngrica e mundësi për mjegull afatshkurtër. Gjatë ditës priten intervale kohore me diell e vranësira lokale. Erërat do të fillojnë të fryjnë nga jugu të cilat do të ndikojnë në rritjen graduale të temperaturave.
Nga fundjava na pret mot më i ngrohtë me intervale të gjata kohore me diell e vranësira të herëpashershme./MeteoBallkan
