Nesër në Kosovë pritet të mbajë mot me vranësira dhe intervale kohore me diell. Mëngjesi pritet të shoqërohet me më shumë vranësira dhe pritet të jetë ftohtë, ndërsa gjatë ditës priten intervale kohore me diell sidomos pasdite vonë.
Në Shqipëri nesër pritet të mbajë mot kryesisht stabil me shumë intervale kohore me diell dhe vranësira lokale.
Edhe në Maqedoninë Veriore, Mal të Zi dhe Luginë nesër pritet të mbajë mot kryesisht stabil, me alternime mes vranësirave dhe intervale kohore me diell.
Pasnesër (e diele) pas një mëngjesi me ngrica dhe vende-vende me mjegull, gjatë ditës na pret mot kryesisht me diell dhe stabil, por priten edhe vranësira lokale. Temperaturat ditore pritet të shënojnë rritje.
Nga e hëna shtim i vranësirave dhe vende-vende priten edhe riga lokale shiu. Reshje më intensive priten përgjatë bregdetit të Shqipërisë, por edhe në viset kontinentale (Shqipëri, Kosovë, Maqedoni Veriore) priten reshje të herëpashershme shiu./MeteoBallkan
