Nesër në Kosovë do të mbajë mot me vranësira dhe intervale kohore me diell. Do të vazhdojë të jetë ngrohtë për këtë periudhë kohore me temperatura maksimale rreth 15-16 gradë Celsius. Vende-vende do të ketë gjasa për riga lokale shiu. Gjatë natës dhe sidomos orëve të mëngjesit të së martës priten reshje shiu të cilat me uljen e temperaturave, do të shndërrohen në reshje kalimtare bore.
Në Shqipëri dhe rajon nesër priten intervale kohore me diell dhe vranësira të cilat vetëm në disa vise mund të kushtëzojnë riga lokale shiu. Gjatë natës intensifikim i reshjeve të shiut, ndërsa në viset malore edhe reshje bore.
Të martën na pret mot më i ftohtë, me reshje lokale shiu e bore, por nuk priten reshje të mëdha. Temperaturat do të shënojnë ulje të ndjeshme.
Ditëve të ardhshme (nga e mërkura) ulje e temperaturave në tërë rajonin. Në viset kontinentale priten vranësira, intervale kohore me diell dhe reshje lokale, të herëpashershme shiu, kokrrizi e bore, kurse në viset mesdhetare pritet mot kryesisht i kthjellët./MeteoBallkan
