Reshjet e shiut do të vazhdojnë herë pas here gjatë natës në Kosovë dhe rrallë herë do të shoqërohen me ndonjë vetëtimë dhe bubullimë tani e tutje, kurse rrebeshet me vetëtima, bubullimë dhe breshër eventual do të zhvendosën në drejtim të Shqipërisë dhe Maqedonisë së Veriut.
Nesër në Kosovë do të mbajë mot i vranët dhe me reshje të herëpashershme lokale shiu, më intensive në orët e mëngjesit. Do të jetë ftohtë dhe me erëra vende-vende të fuqishme veriore. Reshjet do të ndërpriten gjatë ditës ose në mbrëmje dhe pritet kthjellim i motit.
Në Shqipëri dhe Maqedoninë Veriore nesër do të mbajë mot me vranësira të cilat do të kushtëzojnë rrebeshe të lokalizuara shiu me vetëtima dhe bubullimë dhe mundësi edhe për breshër, Priten ulje të ndjeshme të temperaturave.
Pasnesër në tërë rajonin na pret mot i thatë, por i freskët. Pritet stabilizim gradual i motit, por do të ketë vranësira, intervale kohore me diell dhe erëra të freskëta veriore dhe verilindore.
Të shtunën dhe të dielën na pret mot i këndshëm dhe më stabil, Priten alternime vranësirash dhe intervaleve kohore me diell, megjithatë të dielën pasdite vonë në Kosovë pritet përkeqësim i motit me mundësi për reshje lokale shiu./Meteoballkan
