Sonte në shumë rajone të Shqipërisë kemi rrebeshe të fuqishme shiu me vetëtima dhe bubullimë sidomos në veriperëndim të vendit. Gjatë natës rrebeshet e fuqishme të shiut do të përfshijë pothuajse tërë territorin e Shqipërisë duke sjellur reshje të reja të dendura shiu.
Reshjet e shiut do të rifillojnë gjatë natës edhe në Maqedoninë perëndimore dhe Kosovë. Në disa rajone në Kosovë dhe Maqedoni poashtu ka mundësi që të ketë rrebeshe të fuqishme lokale me vetëtima dhe bubullimë.
Nesër në tërë rajonin në mëngjes kryesisht me reshje shiu të cilat do të ndërpriten gradualisht gjatë ditës. Reshjet nuk do të jenë të barabarta në çdo pjesë të territorit të rajonit tonë, pra duhet ditur se në disa rajone do të ketë më shumë e në disa më pak.
Gjatë mbrëmjes së të mërkurës reshjet pritet të ndërpritën në shumicën e territorit të rajonit tonë.
Të Enjtën do të mbajë mot me vranësira dhe intervale kohore me diell. Do të jetë pak më ftohtë. Në Shqipëri në disa rajone priten riga lokale shiu kurse në pjesët tjera të rajonit do të jetë thatë.
Të Premtën dhe të Shtunën në tërë rajonin tonë do të mbajë mot i thatë, me vranësira kalimtare dhe intervale të shumta kohore me diell.
Nga e Diela priten reshje të reja shiu. Meteoballkan.
