Sonte dhe Nesër në Kosovë do të mbajë mot plotësisht i vranët dhe me reshje bore të intensitetit të ndryshueshëm. Shtresat e borës do të vijnë duke u shtuar vazhdimisht, por intensiteti i reshjeve do të vijë duke u zvogëluar gradualisht.
Në Shqipëri, Maqedoninë Veriore dhe Mal të Zi nesër pritet të mbajë mot plotësisht i vranët dhe i ftohtë me reshje lokale shiu e bore varësisht nga rajoni.
Të martën dhe të mërkurën na pret mot mjaft i ftohtë dhe i paqëndrueshëm. Në Shqipëri kryesisht pa reshje, ndërsa në Kosovë dhe Maqedoninë Veriore, herë pas here me reshje lokale bore. Nëpër vendet më të ulëta reshje shiu e shqote. Temperaturat do të shënojnë ulje të mëtutjeshme dhe pritet të ketë edhe acar të theksuar gjatë natës dhe mëngjesit sidomos në ato rajone ku do të ketë kthjellime gjatë natës.
Sipas ecurive aktuale sinoptike nga e premta priten ngritje graduale të temperaturave./Meteoballkan
