Nesër në Kosovë do të mbajë mot kryesisht me diell dhe mjaft i nxehtë, ndërsa pasdite në disa rajone priten zhvillime lokale të vranësirave por nuk priten reshje atmosferike. Temperatura maksimale do të arrijë rreth 34 gradë celsius në nivel vendi.
Në Shqipëri nesër pritet të mbajë mot kryesisht me diell dhe shumë i nxehtë. Pasdite mund të ketë zhvillime lokale të vranësirave por pa reshje atmosferike.
Edhe në Maqedoninë e Veriut dhe Mal të Zi nesër pritet të mbajë mot kryesisht me diell dhe vranësira në disa rajone. Do të jetë shumë nxehtë.
Pasnesër në tërë rajonin pritet të kemi mot kryesisht me diell dhe vranësira kalimtare. Do të vazhdojë të jetë mjaft nxehtë. Pasdite në veriun e Malit të Zi dhe disa rajone kodrinore-malore të Kosovës dhe Shqipërisë mund të ketë rrebeshe të izoluara shiu.
Të shtunën pritet të kemi mot me diell paradite, ndërsa pasdite vonë në shumë rajone priten zhvillime të vranësirave të cilat do të kushtëzojnë rrebeshe të izoluara shiu me vetëtima dhe bubullimë. Do të vazhdojë të jetë mjaft nxehtë, por ato rajone që do të kenë fatin të kenë rrebeshe shiu do të freskohet.
Edhe të dielën mot i ngjashëm me diell paradite, ndërsa pasdite me rrebeshe të izoluara shiu kryesisht në Kosovë dhe veriun e Shqipërisë.
Rrebeshet do të përqëndrohen kryesisht në viset kodrinore-malore por kjo nuk do të thotë se edhe pjesët tjera do të jenë “imune”./Meteoballkan
