Nesër në Kosovë do të mbajë mot i ngjashëm sikur sot, me vranësira të dendura dhe reshje të dobëta shiu.
Edhe në Maqedoni nesër mot pothuajse i ngjashëm sikur sot pra me reshje lokale shiu të intensitetit të dobët.
Në Shqipëri nesër do të kemi reshje me të mëdha shiu posaqërisht në jug deri në qendër të vendit. Në pjesën veriore të Shqipërisë reshjet do të jenë më të dobëta ose do të mungojnë fare.
Të Martën në tërë rajonin tonë pritet të mbajë mot i freskët dhe i thatë me erëra veriore. Reshje të dobëta mund të ketë në jug të Shqipërisë.
Të mërkurën shkurtimisht do të kemi ngritje të temperatuve por pasdite ose në mbrëmje do të kemi depërtimin e frontit të ri të fuqishëm të ftohtë ajror nga veriu i cili do të përcillet me reshje shiu, bore, zbritje rapide të temperaturave dhe erëra të fuqishme veriore. Reshjet do të jenë kalimtare dhe nuk pritet të zgjasin. Ky i ftohtë nuk do të zgjasë shumë sepse nga e premta do të ketë stabilizim të motit dhe ngritje e theksuar e temperaturave. Për fundjavën e ardhshme na pret një mot me temperatura mbi mesataren për këtë periudhe kohore dhe i thatë.
Ky ishte parashikimi i motit nga Meteoballkan, nëse ka ndonjë ndryshim ju ftojmë të na ndiqni në parashikimet tona afatshkurtëra./Meteoballkan.
