Nesër në Kosovë paradite pritet të mbajë mot relativisht i nxehtë, me erëra jugperëndimore dhe kryesisht i thatë, kurse pasdite pritet destabilizim i motit me reshje shiu. Reshjet e shiut vende-vende do të jenë mjaft të dendura kurse në viset malore priten reshje bore. Me kalimin e frontit dhe fillimin e erërave relativisht të fuqishme veriore gjatë mbrëmjes apo fillimin e natës, reshjet e borës do të fillojnë në shumë rajone të Republikes së Kosovës, por reshjet e borës do të ndërpritën gjatë natës.
Edhe në Shqipëri nesër pasdite dhe në mbrëmje priten reshje vende-vende të dendura shiu, kurse në viset malore priten reshje bore. Reshje bore mund të ketë edhe në verilindje, lindje dhe juglindje të vendit gjatë mbrëmjes dhe natës së ardhshme.
Edhe në Maqedoni dhe Mal të Zi nesër pritet të kemi mot të ndryshueshëm ku pasdite, në mbrëmje dhe gjatë natës priten reshje fillimisht të shiut e pastaj reshje të dendura lokale bore.
Të Martën do të depërtojnë përsëri temperaturat e ulëta.Vende-vende pritet të kemi edhe reshje të dobëta bore, por do të jetë mjaft ftohtë dhe me erëra të ftohta veriore.
Ngjashëm do të jetë edhe ditën e mërkurë, ku në Kosovë vetëm lokalisht mund të ketë fjolla të dobëta bore. Do të jetë mjaft ftohtë.
Informacione tjera në postimet tona të ardhshme në Meteoballkan.com./Meteoballkan.
