Nesër në Kosovë pritet destabilizim i motit. Paradite intervale kohore me diell dhe vranësira si dhe me mundësi për ndonjë rrebesh të izoluar shiu. Gjatë pjesë së mbetur të ditës priten zhvillime të vranësirave konvektive të cilat pritet të kushtëzojnë rrebeshe lokale shiu me vetëtima dhe bubullimë. Mes rrebesheve mund të ketë edhe intervale kohore me diell. Temperaturat shënojnë ulje, ndërsa vende-vende mund të ketë ndonjë rrebesh intensiv shiu me vetëtima dhe bubullimë.
Rrebeshet e shiut nesër pritet të paraqiten në mëngjes në veri të Shqipërisë. Gjatë ditës pritet zgjerim dhe intensifikim i tyre. Vende-vende priten rrebeshe intensive sidomos në veriperëndim të vendit, ndërsa jugu pritet të mbetet pa reshje. Gjatë natës ose të enjtën rrebeshe, ulje të temperaturave dhe shtrëngata shiu priten edhe në jug të vendit.
Rrebeshe lokale shiu nesër priten edhe në Maqedoninë Veriore, por jo në krejt territorin. Priten edhe intervale kohore me diell dhe temperaturat do të shënojnë ulje më graduale.
Rrebeshe të fuqishme nesër priten në Mal të Zi dhe lokalisht edhe në Luginën e Preshevës.
Të enjtën na pret mot i freskët, me vranësira, intervale kohore me diell dhe rrebeshe të herëpashershme shiu me vetëtima dhe bubullimë. Rrebeshe më intensive priten në disa vise të Shqipërisë dhe Maqedonisë së Veriut.
Nga e premta pak më nxehtë, me intervale kohore të gjata me diell dhe vranësira. Vende-vende mund të ketë ndonjë rigë ose rrebesh afathskurtër shiu. Reshje pak më intensive shiu priten të dielën./Meteoballkan
