Nesër në Kosovë pritet të mbajë mot me intervale kohore me diell dhe vranësira të shpeshta. Erërat jugperëndimore do të vazhdojnë të jenë të fuqishme herë pas here, por jo në tërë territorin. Temperaturat do të shënojnë rritje për shkak të efektit “fen” të erërave jugperëndimore dhe ajo maksimale pritet të arrijë deri në 13 gradë Celsius.
Në Shqipëri dhe tërë rajonin nesër pritet të mbajë mot me intervale kohore me diell dhe vranësira të shpeshta lokale. Vende-vende në Shqipëri priten riga lokale shiu. Në mbrëmje intensifikim i shiut në veri të vendit.
Të dielën dhe të hënën na pret mot me vranësira, intervale të shkurtra kohore me diell dhe reshje lokale shiu. Në Shqipëri priten reshje intensivesi dhe rrebeshe lokale me vetëtima dhe bubullimë herë pas here në disa rajone. Reshje lokale shiu priten edhe në Kosovë./MeteoBallkan