Nesër në Kosovë do të mbajë mot me vranësira dhe mundësi për intervale kohore me diell. Gjatë mbrëmjes vonë në disa rajone mund të ketë riga shiu, ndërsa gjatë natës reshjet e shiut mund të përfshijnë shumicën e territorit të Republikës së Kosovës.
Në Shqipëri nesër mot me vranësira dhe intervale kohore me diell, gjatë mbrëmjes në qendër dhe veri priten reshje shiu të cilat vende-vende do të vazhdojnë edhe gjatë natës.
Në Maqedoninë e Veriut nesër do të mbajë mot kryesisht me diell poe edhe vranësira, ndërsa gjatë natës në disa pjesë të veriperëndimit të Maqedonisë së Veriut mund të ketë riga shiu.
Në Mal të Zi pas një dite kryesisht të thatë pasdite dhe në mbrëmje priten reshje lokale shiu.
Të hënën në tërë rajonin pritet të kemi mot mjaft të ndryshueshëm, kohë pas kohe me reshje shiu, të cilat vende-vende do të përcillen edhe me rrebeshe shiu me vetëtima dhe bubullimë. Reshjet nuk do të jetë të pandërprera, por kohë pas kohe dhe vende-vende.
Të martën po ashtu sipas parashikimeve do të kemi mot jostabil, me intervale të gjata kohore me diell dhe zhvillim vranësirash të cilat do të sjellin rrebeshe lokale shiu me vetëtima dhe bubullimë. Rrebeshe të fuqishme shiu me vetëtima dhe bubullimë priten në veri dhe veriperëndim të Shqipërisë.
Të mërkurën pritet të kemi mot kryesisht pa reshje atmosferike me përjashtim të veriut dhe veriperëndimit të Shqipërisë ku priten riga apo rrebeshe lokale shiu herë pas here, ndërsa të nejtën pasdite rrebeshet e shiut me vetëtima dhe bubullimë pritet të rikthehn përsëri në shumicën e territorit të Republikës së Kosovës./Meteoballkan
