Gjatë natës pritet depërtimi i një fronti të ftohtë ajror në Kosovë i cili do të ndjehet me fuqizimin e erërave veriore dhe pritet të ketë shtim lokal të vranësirave, megjithatë reshje atmosferike nuk priten. Rrallë në ndonjë rajon mund të ketë ndonjë rigë ose rrebesh afatshkurtër shiu.
Nesër në Kosovë pritet të mbajë mot me intervale të gjata kohore me diell dhe vranësira. Temperaturat pritet të shënojnë ulje kryesisht të lehta. Rrallë në ndonjë rajon pasdite mund të ketë ndonjë rrebesh afatshkurtër shiu.
Në Shqipëri, Maqedoninë Veriore dhe Mal të Zi nesër pritet të mbajë mot me intervale të gjata kohore me diell dhe vranësira lokale. Pasdite në disa pjesë të Maqedonisë së Veriut priten rrebeshe lokale shiu me vetëtima dhe bubullimë, ndërsa gjatë natës në lindje të Maqedonisë priten rrebeshe intensive shiu me vetëtima dhe bubullimë. Ky sistem i rrebesheve të shiut mund të afrohet deri në kufirin afër Kosovës dhe ndoshta mund të prekë disa rajone në Kososovë në kufi me Maqedoninë.
Të enjtën në Kosovë pritet të kemi mot të ndryshueshëm. Gjatë ditës ose pasdite priten rrebeshe lokale shiu me vetëtima dhe bubullimë. Temperaturat shënojnë ulje të mëtutjeshme të lehta.
Rrebeshe të fuqishme shiu me vetëtima dhe bubullimë të enjtën përsëri priten në lindje dhe pjesët qendrore të Maqedonisë së Veriut. Lokalisht edhe në vise tjera të Maqedonisë. Vetëm perëndimi i vendit mund të mbetet pa reshje. Në Shqipëri dhe Mal të Zi të enjtën pritet mot pak më i freskët, por kryesisht pa reshje atmosferike.
Të premtën vazhdon të na shoqërojë moti i ndryshueshëm. Priten intervale kohore diellore dhe vranësira të cilat pritet të kushtëzojnë reshje lokale shiu dhe rrebeshe lokale me vetëtima dhe bubullimë. Vetëm Shqipëria mbetet pa reshje me përjashtim të veriut dhe verlindjes së vendit ku priten rrebeshe shiu.
Për fundjavë na pret mot i freskët, me vranësira dhe intervale kohore me diell. Në bregdet më ngrohtë./Meteoballkan