Nesër në Kosovë do të mbajë mot kryesisht me diell dhe i nxehtë, me temperatura maksimale rreth 30-31 gradë celsius në nivel vendi. Do të fryjë erë mesatare nga verilindja e cila do të jetë pak freskuese. Pasdite në disa rajone ekzistojnë gjasa për ndonjë rigë apo rrebesh të izoluar shiu.
Në Shqipëri nesër do të mbajë mot me diell dhe mjafti nxehtë me temperatura maksimale rreth 34-35 gradë celsius në nivel vendi.
Në Maqedoninë e Veriut nesër mot kryesisht me diell dhe mjaft i nxehtë, ndërsa pasdite në disa rajone mund të ketë rrebeshe të izoluara shiu me vetëtima dhe bubullimë.
Edhe në Mal të Zi nesër mot stabil, me diell dhe mjaft i nxehtë.
Të enjtën në tërë rajonin tonë pritet të kemi mot me diell dhe mjaft i nxehtë, me ngritje të temperaturave në tërë rajonin. Edhe të premtën mot i nxehtë, por pasdite vonë apo në mbrëmje pritet të depërtojë një front dobët i ftohtë ajror i cili do të sjellë ulje të temperaturave por jo reshje atmosferike.
Për fundjavë pritet mot me diell në tërë rajonin por jo shumë i nxehtë./Meteoballkan
