Nesër paradite në Kosovë pritet të mbajë mot me intervale të gjata kohore me diell dhe vranësira lokale, por shumë i nxehtë dhe me zagushi. Pasdite priten zhvillime të fuqishme të vranësirave konvektive të cilat pritet të kushtëzojnë rrebeshe lokalisht të fuqishme shiu me vetëtima, bubullimë dhe mundësi për breshër. Reshjet do të jenë të karakterit lokal dhe ka gjasa për zhvillimin e ndonjë shtrëngate të fuqishme lokale.
Në Shqipëri nesër pritet të mbajë mot kryesisht me diell dhe shumë i nxehtë. Pasdite në veri dhe lindje të vendit priten rrebeshe të izoluara shiu me vetëtima dhe bubullimë.
Edhe në Maqedoninë Veriore, veriun e Malit të Zi dhe Kosoven Lindore pas një paraditeje mjaft të nxehtë, pasdite dhe në mbrëmje priten rrebeshe lokalisht të fuqishme shiu me vetëtima, bubullimë dhe mundësi për breshër.
Të enjtën na pret mot mjaft i paqëndrueshëm. Priten intervale kohore me diell dhe zhvillime të fuqishme të vranësirave konvektive të cilat pritet të kushtëzojnë rrebeshe lokalisht të fuqishme shiu me vetëtima, bubullimë dhe mundësi për breshër. Rrebeshe lokalisht të fuqishme priten edhe në territorin e Shqipërisë, ndërsa në Maqedoninë Veriore mund të ketë zhvillime të shtrëngatave të fuqishme me rrebeshe mjaft intensive shiu.
Të premtën stabilizim i motit, por ende ka gjasa për rrebeshe në disa zona të izoluara.
Për fundjavë na pret mot shumë i nxehtë, por pasditeve priten rrebeshe lokale shiu me vetëtima dhe bubullimë. Të dielën ulje të temperaturave./MeteoBallkan
