Gjatë natës sonte pritet destabilizim i motit edhe në Dukagjin të Kosovës ku priten rrebeshe shiu me vetëtima dhe bubullimë. Vende-vende priten rrebeshe intensive shiu.
Nesër në Kosovë pritet të mbajë mot kryesisht i vranët dhe me reshje të herëpashershme shiu. Priten edhe rrebeshe lokale shiu me vetëtima dhe bubullimë. Pasdite pritet përmirësim gradual i motit.
Në Shqipëri nesër pritet mot me intervale kohore me diell dhe vranësira të herëpashershme. Vetëm në veri dhe verilindje të vendit mund të ketë rrebeshe lokale shiu me vetëtima dhe bubullimë.
Rrebeshe shiu nesër priten edhe në Maqedoninë Veriore, Luginën e Preshevës dhe veriun e Mali të Zi. Pasdite vonë përmirësim gradual i motit.
Të shtunën në tërë rajonin na pret mot më i qetë. Priten intervale kohore me diell dhe vranësira të herëpashershme. Reshje atmosferike nuk pritet të ketë.
Nga e diela përsëri pritet të kemi shtim të vranësirave të cilat pritet të kushtëzojnë riga lokale shiu./Meteoballkan