Nesër në Kosovë do të mbajë mot me intervale kohore me diell dhe vranësira të cilat do të marrin karakter zhvillimi dhe do të shoqërohen me rrebeshe shiu me vetëtima dhe bubullimë. Vende-vende priten rrebeshe të fuqishme shiu me vetëtima, bubullimë dhe mundësi edhe për breshër.
Në Shqipëri nesër do të mbajë mot me intervale kohore me diell dhe vranësira. Pasdite vonë në mbrëmje apo gjatë natës në veri dhe veriperëndim të vendit deri në pjesën qendrore priten rrebeshe të fuqishme shiu me vetëtima dhe bubullimë. Rrebeshe lokale priten edhe në viset tjera.
Edhe në Maqedoninë e Veriut nesër priten që përpos intervaleve kohore me diell pasdite të ketë rrebeshe lokale shiu me vetëtima dhe bubullimë, ndërsa në Mal të Zi pasdite vonë apo në mbrëmje priten rrebeshe shumë të fuqishme shiu me vetëtima, bubullimë dhe mundësi edhe për shtrëngata me breshër.
Pasnesër dhe të martën në tërë rajonin priten ulje të lehta të temperaturave. Priten intevale kohore me diell dhe zhvillime të vranësirave me rrebeshe apo riga lokale shiu me vetëtima dhe bubullimë./Meteoballkan
