Nesër në Kosovë pritet të mbajë mot me intervale kohore me diell dhe shtim të vranësirave. Vende-vende priten reshje shiu dhe rrebeshe lokalisht të fuqishme me vetëtima dhe bubullimë, sidomos në disa rajone jo larg Malit të Zi, veri dhe juglindje të vendit. Edhe në vise tjera mund të ketë rrebeshe dhe reshje shiu.
Në Shqipëri sonte pritet destabilizim i fuqishëm i motit me rrebeshe shiu me vetëtima dhe bubullimë sidomos në veriperëndim të vendit dhe lokalisht edhe në vise tjera. Sistemi i reshjeve sonte dhe nesër do të shkojë nga veriu drejt jugut duke u dobësuar. Nesër pritet mot me vranësira dhe reshje lokale shiu. Priten ulje të temperaturavem ndërsa pasdite vonë dhe në mbrëmje ndërprerje e reshjeve.
Rrebeshe të fuqishme sonte priten në Mal të Zi, ndërsa nesër reshje shiu të cilat do të pushojnë gjatë ditës ose pasdite, ndërsa në Maqedoninë Veriore dhe Luginë (nesër) priten rrebeshe lokale, por nuk priten reshje të mëdha.
Nga e hëna më freskët, por pritet stabilizim i motit dhe rritje graduale e temperaturave, ndërsa në Kosovë priten riga ose rrebeshe të izoluara, afatshkura shiu./Meteoballkan