Reshjet lokale të borës do të vazhdojnë edhe pak në disa rajone dhe do të vijnë duke u dobësuar gradualisht. Reshjet e dendura tani janë larg viseve tona dhe ky është një lajm i mirë për shumë zona të prekura nga vërshimet, megjithatë reshje lokale do të vazhdojnë vetëm në disa zona të pakta.
Të shtunën në Kosovë parashihet të mbajë mot i vranët, i ftohtë dhe me reshje të pakta lokale. Temperaturat minimale pritet të zbresin deri në -2 gradë Celsius kurse maksimalja pritet të arrijë deri në 4 gradë Celsius.
Në Shqipëri nesër pritet të mbajë mot me vranësira dhe në disa zona do të ketë depërtime të rrezeve diellore në sipërfaqe. Reshje shiu ende priten në shumë zona në jug dhe perëndim të vendit.
Vranësira të shumta dhe reshje të pakta nesër prite në Maqedoninë Veriore, Luginë të Preshevës dhe pjesë të Malit të Zi.
E diela vjen me stabilizim të motit dhe rritje të lehta të temperaturave. Përpos vranësirave do të ketë gjasa edhe për intervale kohore me diell, por mëngjesi mund të jetë shumë i ftohtë dhe me acar.
Fillimi i javës së re me ngrica dhe mundësi për mjegull në mëngjes. Ditët me alternime mes vranësirave e intervaleve kohore me diell. Temperaturat në rritje progresive./MeteoBallkan
