Nesër në Kosovë pritet të kemi mot me diell dhe stabil. Temperaturat do të shënojnë rritje të mëtutjeshme dhe do të fryjnë erëra kryesisht nga verilindja apo edhe drejtimesh të ndryshme.
Temperaturat minimale pritet të zbres deri 14 gradë Celsius, kurse ajo maksimale pritet të arrijë deri në 34 gradë Celsius.
Në Shqipëri, Maqedoninë e Veriut, Luginë të Preshevës dhe Mal të Zi nesër parashihet të mbajë mot me diell dhe mjaft i nxehtë veror. Në viset mesdhetare do të jenë shumë nxehtë. Orëve të pasdites në juglindje të Shqipërisë dhe zonat aty-afër kodrinore-malore mund të ketë ndonjë zhvillim konvektiv i izoluar me mundësi për ndonjë rrebesh krejtësisht të izoluar shiu me ndonjë vetëtimë dhe bubullimë.
Ditëve të ardhshme na pret mot me diell dhe mjaft i nxehtë veror. Temperaturat mund të shënojnë rritje progresive të mëtutjeshme. Pasditeve në disa vise kodrinore-malore të Shqipërisë në lindje e jug do të ketë gjasa për zhvillime të izoluara konvektive me rrebeshe të izoluara shiu me vetëtima dhe bubullimë.
