Nesër në Kosovë na pret mot pak më i freskët dhe me vranësira të cilat në disa rajone gjatë ditës pritet të kushtëzojnë riga lokale shiu. Mund të ketë edhe rrebeshe lokale shiu me vetëtima dhe bubullimë, por nuk priten reshje të mëdha dhe po ashtu nuk priten reshje në tërë territorin.
Në Shqipëri dhe tërë rajonin tonë nesër pritet të mbajë mot me vranësira, intervale kohore të shkurtra me diell dhe riga lokale shiu. Vende-vende priten rrebeshe lokale me vetëtima dhe bubullimë. Temperaturat pritet të shënojnë ulje të lehta.
Nga e premta na pret mot kryesisht i thatë për shkak të ardhjes së masave ajrore krejtësisht të thata anticiklonike, por ende mund të ketë ndonjë rigë ose rrebeshe në jug-qendër të Shqipërisë dhe disa vise në Maqedoni.
Nga fundjava më shumë diell dhe rritje graduale e temperaturave ditore./Meteoballkan
