Në Kosovë nesër do të mbajë mot mjaft i nxehtë sidomos paradite dhe në mesditë, kurse pasdite në disa rajone do të kemi zhvillim vranësirash të cilat do të sjellin freski si dhe rrebeshe të lokalizuara shiu me vetëtima dhe bubullimë. Reshjet nuk do të jenë gjithëpërfshirëse pra vetëm të karakterit lokal (më shumë gjasa kanë juglindja, verilindja e Kosovës dhe disa pjesë të qendrës).
Në Shqipëri po ashtu do të mbajë mot mjaft i nxehtë dhe me diell në shumicën e territorit shqiptar. Pasdite në lindje dhe juglindje të Shqipërise ka mundësi për zhvillim vranësirash me rrebeshe lokale shiu.
Edhe në Maqedoni do të ketë mot mjaft të nxehtë dhe me diell ndërsa pasdite në disa rajone të Maqedonisë perëndimore do të ketë rrebeshe lokale shiu me vetëtima dhe bubullimë.
Fundjava na vjen me mot të ngjashëm pra kryesisht me diell dhe mjaft i nxehtë por në disa rajone nuk do të mungojnë edhe rrebeshet e izoluara të shiut të përcjellura edhe me vetëtima dhe bubullimë. Në përgjithësi do të kemi një fundjavë stabile, me diell dhe mjaft të nxehtë me disa përjashtime të vogla.
Meteoballkan.
