Nesër në Kosovë pritet të mbajë mot kryesisht me diell dhe i ngrohtë për këtë periudhë kohore. Temperaturat maksimale pritet të luhaten nga 15 deri në 18 gradë Celsius.
Në Shqipëri dhe tërë rajonin nesër pritet të mbajë mot kryesisht me diell dhe i ngrohtë për këtë periudhë kohore, me temperatura makismale mbi 20 gradë Celsius në Shqipërinë mesdhetare.
Edhe të hënën do të mbajë mot kryesisht me diell dhe i ngrohtë. Në mbrëmje vonë në Shqipëri pritet të fillojnë reshjet e shiu, ndërsa rajonet tjera mbesin pa reshje deri të martën.
Të martën në tërë rajonin na pret mot i vranët dhe me reshje shiu. Reshje më intensive priten në veri dhe jug të Shqipërisë, ndërsa në viset tjera reshjet do të jenë kalimtare.
Nga e mërkura do të vazhdojë të mbajë mot i ngrohtë, me alternime mes vranësirave dhe intervaleve kohore me diell. Erërat jugore do të jenë shpeshherë prezente. Reshje apo rrebeshe shiu priten vetëm në Mal të Zi dhe lokalisht edhe në veri të Shqipërisë. Në viset tjera kryesisht pa reshje ose me ndonjë rigë ose rrebesh afatshkurtër shiu./Meteoballkan
