Nesër në Kosovë pritet të mbajë mot me diell dhe vranësira ditore të cilat edhe mund të kushtëzojnë ndonjë reshje të dobët lokale shiu, ose ndonjë rrebesh të shkurtër vetëm në disa zona të izoluara.
Erërat do të fryjnë nganjëherë të freskëta nga veriut, ndërsa temperaturat pritet të luhaten nga 12 minimalja deri në 28 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi nesër parashihet të mbajë mot me diell e në disa zona edhe zhvillime të vranësirave ditore, por pa reshje atmosferike. Rrallë në ndonjë rajon mund të ketë paraqitje të ndonjë rige ose rrebeshi të shkurtër shiu.
Edhe dita e martë do të mbetet nën ndikimin e masave anticiklonike të thata ajrore. Si pasojë pritet të mbajë mot kryesisht me diell dhe stabil, por me vranësira lokale ditore. Temperaturat do të shënojnë rritje dhe nuk priten askund ndonjë reshje atmosferike.
Të mërkurën nxehtë, por pasdite priten zhvillime të vranësirave konvektive e si pasojë vende-vende parashihehn rrebeshe lokale shiu me vetëtima dhe bubullimë./MeteoBallkan
