Nesër në Kosovë pritet të kemi ndryshim gradual të motit, por përkundër shtimit të vranësirave temperaturat nuk pritet të shënojnë ulje dhe ajo maksimale pritet të arrijë deri në 22 – 23 gradë Celsius. Gjatë ditës do të ketë shtim të vranësirave të cilat në mbrëmje do të fillojnë të kushtëzojnë reshje lokale shiu. Gjatë natës reshje shiu priten në tërë territorin e Republikës së Kosovës.
Edhe në Shqipëri nesër pritet të ketë shtim të vranësirave, ndërsa reshjet e shiut pritet të fillojnë orëve të mbrëmjes dhe gjatë natës. Vende-vende priten reshje mesatare deri të dendura, ndërsa ekzistojnë kushte për rrebeshe me vetëtima dhe bubullimë.
Në Maqedoninë Veriore, Mal të Zi dhe Kosovën lindore nesër po ashtu pritet që të ketë shtim gradual të vranësirave, ndërsa reshje shiu priten në mbrëmje dhe atë fillimisht në Mal të Zi, pastaj gjatë natës edhe në disa vise të Maqedonisë së Veriut dhe Kosoves lindore. Në Maqedoni priten reshje kryesisht të lokalizuara.
Të martën na pret mot kryesisht i vranët dhe me reshje të herëpashershme shiu në tërë rajonin. Në jug dhe perëndim të Shqipërisë priten rrebeshe lokale me vetëtima dhe bubullimë.
Nga e mërkura na pret mot me intervale kohore me diell, por edhe vranësira e rrebeshe lokale shiu të cilat do të vijnë duke u rralluar dhe moti do të ketë tendencë stabilizimi gradual./MeteoBallkan
