Sot në Kosovë paradite do të kemi mot me intervale kohore me diell por edhe me vranësira, kurse pasdite dhe në mbrëmje në shumë pjesë të Kosovës priten riga lokale shiu. Vende-vende ka mundësi që të ketë edhe rrebeshe lokale shiu me vetëtima dhe bubullimë.
Edhe në Shqipëri do të kemi mot të ndryshueshëm, me intervale të gjata kohore me diell dhe vranësira kalimtare, kurse gjatë pasdites dhe mbrëmjes vende-vende do të ketë rrebeshe shiu me vetëtima dhe bubullimë.
Në Mal të Zi mot mjaft jostabil me rrebeshe lokale shiu, kurse mot pak më stabil nesër do të kemi në Maqedoninë Veriore, ku gjatë pasditës vetëm vende-vende mund të ketë ndonjë rigë apo rrebesh shiu.
Nesër në tërë rajonin do të kemi mot me intervale të gjata kohore me diell dhe vranësira kalimtare. Pasdite në disa rajone në Kosovë priten riga lokale shiu.
Të Premtën dhe të Shtunën pritet të kemi ngritje të temperaturave por nuk do të jemi tërësisht imun nga ndonjë rigë apo rrebesh eventual afatshkurtër shiu. Nga e shtuna pasdite pritet të kemi shtim të konsiderueshëm të vranësirave dhe reshje shiu, të cilat të dielën do të intensifikohen duke sjellur vende-vende reshje të dendura shiu./Meteoballkan
