Sot në Kosovë do të mbajë mot i ndryshueshëm, me intervale të gjata kohore me diell dhe zhvillim vranësirash. Pasdite vende-vende do të ketë rrebeshe lokale shiu me vetëtima dhe bubullimë. Do të jetë më freskët.
Në Shqipëri mot kryesisht me diell dhe i nxehtë, megjithatë do të jetë pak më freskët se sot. Në verilindje të vendit mund të ketë rrebeshe lokale shiu me vetëtima dhe bubullimë.
Edhe në Maqedoninë e Veriut dhe Mal të Zi mot kryesisht me diell. Pasdite në veriun e Malit të Zi dhe disa pjesë të Maqedonisë priten rrebeshe lokale shiu me vetëtima dhe bubullimë.
Të martën në Kosovë mot i ndryshueshëm. Gjatë ditës, pasdite dhe në mbrëmje priten zhvillime të vranësirave të cilat do të kushtëzojnë rrebeshe lokalisht të fuqishme shiu me vetëtima, bubullimë dhe mundësi edhe për breshër.
Në Shqipëri të martën në veri të vendit (deri afër qendrës) do të ketë rrebeshe lokale shiu pasdite me vetëtima dhe bubullimë. Në viset tjera pritet mot kryesisht me diell dhe i nxehtë.
Në Maqedoni mot kryesisht me diell dhe i nxehtë. Pasdite në disa rajone priten rrebeshe lokale shiu me vetëtima dhe bubullimë, ndërsa në Mal të Zi të martën priten rrebeshe të fuqishme shiu me vetëtima dhe bubullimë.
Të mërkurën do të kemi mot jashtëzakonisht jostabil në tërë rajonin. Priten rrebeshe të fuqishme shiu me vetëtima, bubullimë dhe mundësi edhe për breshër. Pasdite vonë dhe gjatë natës rrebeshet e fuqishme të shiut me vetëtima dhe bubullima masive do të përfshijnë edhe Shqipërinë dhe gjithashtu edhe bregdetin shqiptar.
Të enjtën stabilizim i motit por do të jetë freskët./Meteoballkan
